Félag prófessora við ríkisháskóla

Til að hægt sé að greiða styrki út á þessu almanaksári verða umsóknir og gögn vegna þeirra að hafa skilað sér eða verið póstlögð í síðasta lagi þann 9. desember nk. Sama gildir um gögn vegna umsókna sem þegar hafa borist. Hægt er að sækja um rafrænt, sjá umsóknareyðublað.

Styrkumsóknir eru afgreiddar einu sinni í mánuði. Umsóknir og fullnægjandi gögn sem berast í síðasta lagi 9. dag mánaðar eru greiddar út 24.-26. sama mánaðar.

Starfsreglur sjóðsins á íslensku má sjá hér.
Reglur sjóðsins á ensku má nálgast hér.

Ný launatafla tók gildi 1. júní 2011. Sjá undir Kaup og kjör > Launatafla

Gildistími: 1. maí 2011 til 31. mars 2014

Launatöfluhækkanir:
1. júní 2011 - 4,25%
1. mars 2012 - 3,50%
1. mars 2013 - 3,25%

Eingreiðslur:
50.000 kr. við samþykkt samningsins
38.000 kr. 1. mars 2014

Persónuuppbætur og sérstakt álag
2011: Orlofsuppbót 26.900 kr. + 10.000 kr.
2011: Desemberuppbót 48.800 kr. + 15.000 kr.
2012: Orlofsuppbót 27.800 kr. - desemberuppbót 50.500 kr.
2013: Orlofsuppbót 28.700 kr. - desemberuppbót 52.100 kr.

Í samræmi við bókanir félagsins og fjármálaráðherra verða starfsskyldur prófessora samningsatriði milli FPR og ríkisháskólanna, stofnaður verður nýr sjóður fyrir prófessora, Starfsþróunarsjóður prófessora (SP), sem ætlað er að bæta möguleika prófessora til að sækja ráðstefnur, sinna rannsóknum og bæta möguleika til rannsóknasamstarfs. Þá eiga prófessorar m.a. aðild að Bókun 1 hjá BHM sem miðar að endurskoðun og lagfæringum á launakerfi ríkisins fyrir áramót 2012.

Á félagsfundi FPR sem haldinn var þann 17. október sl. var kjarasamningur Félags prófessora við ríkisháskóla og fjármálaráðherra f.h. ríkissjóðs, sem undirritaður var þann 7. október 2011, kynntur félagsmönnum. Að fundi loknum var opnað fyrir rafræna atkvæðagreiðslu um kjarasamninginn.

Atkvæðagreiðslu lauk þann 19. október sl. 60% félagsmanna greiddu atkvæði og féllu þau með eftirfarandi hætti:

89.8% (159) samþykktu samninginn.
  5,6% (  10) skiluðu auðu.
  4,5% (    8) voru andvígir samningnum.

Kjarasamningur Félags prófessora við ríkiháskóla er því samþykktur af hálfu félagsins. Gildistími samningsins er 1. maí 2011 til 31. mars 2014.

Félag prófessora við ríkisháskóla er í samstarfi við systurfélög sín á Norðurlöndum. Samtökin halda einn sameiginlegan fund á ári til þess að bera saman bækur sínar og skiptast á upplýsingum um laun og launaþróun meðal háskólakennara á Norðurlöndum. Fundurinn í ár var haldinn í Reykjavík dagana 8. - 10. júní og var þema hans nýsköpun og framtíðarsýn norrænna háskóla.

Hér má nálgast ýmis gögn frá fundinum, m.a. samanburð á launum prófessora og annarra háskólakennara á Norðurlöndum, dagskrá fundarins og samantekt.